L’Aigo plouro dins l’eiguié.
En disènt: Tout fau que passe,
Fau que tout passe au reguié!
Un requiescant in pace
Pèr aquéli que soun mort
Acò’s tout ço que reclamo
La pauro amo
D’un defunt
Que barrulo
E que brulo
Sènso flamo e sènso fum.
Acò’s l’amo de toun paire,
De ta maire
O belèu de toun ami,
Que, quand siés entre-dourmi,
Vèn te faire sa vesito.
E, pecaire! dins soun plang,
Te demando plan, bèn plan,
L’ouresoun que i’es necito.
Mistral, Les Iles d’Or, 1876
Van Gogh, Un mas, 1888
